رمضان كريم

كل عام وانتم بخير

قصص نجاح تسويق الكتروني للعالميين | قصيرة | الجزء الثاني

قصص نجاح تسويق الكتروني للعالميين | قصيرة | الجزء الثاني

قصص نجاح تسويق الكتروني قصيرة الجزء الثاني

دائما ما نتعلم من تجارب الاخرين و الذي يعطي لنا بداية الطريق الي النجاح و الحافز للتطور الذاتي ، و من خلال هذا الجزء عن قصص نجاح تسويق الكتروني للعالميين

سنتعرف علي المزيد من تجارب رواد مجال التسويق الالكتروني في مصر و الشرق الاوسط و الاستراتيجيات المُتبعة و التي تستطيع من خلالها التعلم من تجاربهم و الاستفادة منها .

و تقدر تشوف قصص نجاح تسويق الكتروني قصيرة الجزء الاول هاتفيدك جداً ايضاً .

و تقدر تعرف اكتر عن الافيلييت و ارباحه من كيف حققت اكثر من 40 الف اوردر في في الافيلييت 

و اكيد تقدر تعرف دلوقتي ليه تشتغل في التسويق و المبيعات

من 5000 جنيه لتجارة الكترونية و استيراد بالألافات :-

قصص نجاح تسويق الكتروني

انا محمود رمضان ، دخلت المجال من 2017 كنت شغال مودريتور على بيدج بتاعت واحد صاحبي وبعد اول شهر بدا الفضول ياخدني وعاوز اعرف الناس دي بتيجي ازاى علي البيدج .

• بدات ادور لحد ما فهمت ان في حاجه اسمها اعلانات فيس بوك واننا مش قاعدين كده وخلاص نسكرول اب
• بدات اتعلم الاعلانات لحد ما مسكت شغل صاحبي كله بقيت اعمله اعلانات وارد علي البيدج وكل حاجه
• وجيه قدامي كومنت من شخص هنا في العالمين Mohamed Moussa عن قصص نجاح وبدات بقى ادور ورا الكنترول
• لحد ما روحت لصاحبي وقولتلو انا عاوزك تشتريلي الكنترول وانا هشتغل بيه وبدات اقنعه بيه وبعدها باسبوع كنا في القاهره بنشتري الكنترول
• طبعا انا فضلت مطبق ع البرنامج لحد ما فهمت التولز الى هتنفعني في شغلي

وبدات بالفعل اول كامبين ليا علي البرنامج

• وبدات ابعت لكل الناس الى عملو كومنتات علي البيدج تقرببا اليوم ده عملنا مبيعات ب 70 الف جنيه ف 24 ساعه بعدها ب فتره حصل ما بينا مشاكل بيني انا وصاحبي وفركشنا الشغل سوا وهو اخد البرنامج وغيره
• ومن فضل ربنا عليا اني اتعرفت على Mahmoud Hassan ويمكن ده من انضف الناس الى قابلتها على مدار حياتي اداني البرنامج بتاعه اشتغل بيه فتره

لحد ما ربنا كرم وكسبت نسخه من المدير ومن هنا بدئنا قصه تانيه خالص اني بشتغل لوحدي

انا بدات ب 5 الاف جنيه

• نزلت جيبت بضاعه من التوفيقيه اكسسوارات سيارات
• بدات ابيع ب الكنترول رسايل الواتس وواعلانات الفيس بوك
• فضلت على كده فتره كبيره المبلغ بدا يكبر والبضاعه بدات تزيد الحمد لله
• لحد ما عملت مبلغ محترم ساعتها كلمت المدير قولتلو انا قدامي منتج هجيب الكميه كلها
• و انا خايف مطلعهاش هو قالى دوس ومتخفش
• والكلمه دي كانت وش الخير عليا بتشجيعه ليا
• روحت جبت الكميه كلها والحمد لله طلعتها ف اقل من شهر
• بدات قصه حياتي مع التجاريه الالكترونيه الحمد لله
• دلوقتى بقينا بنستورد وبقي عندي بدل الموقع 3 مواقع شغال عليهم ايكومرس

حاولت الخصلكو انا بدات ازاى ووصلت لفين نيجي للدورس الى اتعلمتها

1- متسمعش كلام اي حد ف المجال يحاول يصعب عليك الموضوع كل حاجه سهله بس انت خد خطوه

وسيب الباقى على ربنا مش لازم تبقى بتعرف تعمل كل حاجه عشان تبدا انا بدات وانا مبعرفش اعمل غير اعلانات Engagement بس
2- دايما حاول تطور من نفسك عشان لو فضلت واقف ف مكانك هتموت
3- اخسر عشان تتعلم
4- حط هدف قدامك ودايما اسعي انك تحققو وبلاش تشتت نفسك
5- اعمل علاقات كتير عشان هي الى هتسندك
6- راضي اهلك
7- تفكيرك بيتشكل حسب البيئه اللي انت فيها ف اختار ناس ناجحه تمشي معاهم
8- متعملش كل حاجه بنفسك اعمل تيم قوي حتي لو هياخد 25% من دخلك
9- اقفل الفيس بوك وافتح اليوتيوب واتعلم متستناش كورس من ده او ده اعرف انت عاوز ايه وابحث عنه هتلاقي المهم تعرف انت عاوز ايه
10- قرب من ربنا وتصدق ب 10% من دخلك وادعي دايما ب الى نفسك فيه وخليك فاكر الجمله دي (ما نقص مال من صدقة)

انا دايما بصنف نفسي من (الولا حاجه للي بقا حاجه)

حابب اعرفكوا بنفسي انا محمد عشماوي رئيس مجلس ادارة موقع عشموذيع الاخباري وصاحب الامتياز لجريدة عشموذيع المصريه الاخباريه….
معروف بين العالميين باسم عشموذيع

بدايتي مع العالميين واللي كانت سبب رئيسي بعد ربنا عز وجل هو المدير احمد ماهر.

• بصراحه مكانش في اهتمامي اني ادخل جروب العالميين ولا كنت بحلم انه يكون معايا نسخه
• لكن مع تدابير ربنا أراد اني ادخل الكيان العظيم دا ويكون معايا نسخه واعرف الناس الجميله اللي جوا دي.
• وقتها كنت (مراسل ومذيع شارع) بقناة الحدث اليوم.
• بدأت اسوق لفيديوهاتي والحمد لله ربنا وسع عليا ف انتشارها بدأت ادخل في مجال البرمجه كمان اكتر لاني حبيتها من خلال الكنترول
• بدأت اتوغل اكتر في البرنامج وافتح من خلاله مجالات شغل اكتر واكتر
• وبالفعل ربنا كرمني ووسع عليا في تعلم البرنامج وبقيت أسوق لهدايا وخرفان العيد وحاجات كتير كنت بستمتع جدا وانا شغال فيها.
• وعلي فكره هدايا خرفان العيد دي قصه كبيره خالص وكانت من أقوي الهدايا اللي كنت بشتغل في تسويقها عالنت.

(النقله الكبري)

للاسف خبرتي كنت في مجال المواقع الإلكترونية تحت الصفر ومكنتش بعرف افرق بين الدومين والاستضافه

لاني مكنتش اعرفهم اصلا…

بس بسبب الراجل دا Ahmed Ibrahim Abu Shanab اللي بدين له بكل معلومه وبكل حاجه وصلتلها

انه خلاني حد بيعرف ينشأ موقع من البدايه لحد النهايه وأسلمه للعميل جاهز بكل شئ فيه…

وبسببه برده بقا عندي موقع عشموذيع الاخباري وفريق عمل خاص بيا لا يقل عن ١٩٠ محرر صحفي شغالين في الموقع.

مش عاوز اقولكوا في البدايه يوم لما ربنا كرمني بالموقع دا وكسبته هديه من الصديق المحترم أحمد ابراهيم…

مش حابب ابالغ بس حرفيا حسيت اني وصلت لليفل حلو جدا في مجالي الاعلامي…

بدأ أحمد يعلمني ويمشي معايا خطوه بخطوه لحد ماوصلني بأني اقدر أصمم مواقع لعملاء ويبقي عندي مصدر رزق تاني بجانب شغلي الاساسي.

لولا وجودي في كيان العالميين مكنتش وصلت للي وصلتله دا

• كون اني أبقي صاحب كيان ومؤسسه صحفيه وجريده ورقيه موثقة ومرخصه اعلاميا وقانونيا ولقب عشموذيع
• يكون له قاعده بين الناس في مجال الصحافه والاعلام وانا في السن دا يبقي لازم أفتخر
• واكون مدين لكيان العالميين وشباب العالميين اللي بتعلم منهم معني العطاء بدون مقابل والاصرار علي النجاح
• بدايةً من المدير المهندس أحمد ماهر اللي أتاح ليا الفرصه بأنضمامي للكيان
• وصولا المهندس أحمد ابراهيم مرورا بكل فرد من افراد العالميين اللي اتعاملت معاهم ومدوا لي ايد المساعده في اي حاجه كنت بطلب اني أتعلمها.

نصيحتي لكل الناس

1/ انت متعرفش بكره في ايه تطرق لأي مجال حتي لو مش مجال دراستك وأبدأ فيه وقول يارب وأتعلمه…
2/ متخليش حد يحبطك مهما كان هو مين وتوكل علي الله وربنا مش هيخذلك ابدا طول مانت بتشتغل شغل شريف ومحترم
3/ أعمل لنفسك خطه تمشي عليها متشتتش نفسك عشان تقدر توصل للي انت بتحلم بيه
4/ متدخلش مجال الا ماتحس ان المجال دا هيضيف ليك معنويا وأجتماعيا قبل مايكون ماديا
5/الشغل في أي حاجه مش عيب مادمت بتراعي ربنا في اللي بتعمله وبتشتغل بيه

وأخيرا بشكر كل الناس اللي موجودين في هذا الكيان أسأل الله تعالي بأن يديم بيننا المحبه والود والاحترام وروح المشاركه الجميله والعطاء بدون مقابل بيننا جميعا

أشتراكا في قصص نجاحات العالمين حبيت أوضح رحلتي بدءت منين و وصلت لفين لحد الآن لأنها لسه ما أنتهتش وطريقها طويل

اعرفك بنفسي الاول أنا خالد نصر

• انضمامي للكيان دا كان في شهر 8/2019 ، كنت أعرف الكيان معرفة مسبقه وكنت دارس ديجيتال ماركتينح قبل كدا و MBA
• ولكن الروئيه مش واضحه عندي او مش مكتملة وأنا صراحه ماكنتش بسعي لأني أكلملها ،
• كان هدفي من دراسة دا أنه يساعدني في تسويق نفسي وشغلي ك مصور سينمائي او مخرج هاوي
• و أني اعرف ان ادخل شغل جديد مع محاوله لتطوير النفس
• الأكاديمية كانت بالنسبه ليا مفترق الطرق الي لأول مره قررت أتنازل عن الي بسعي ليه طول عمري

وأقرر أركز في الطريق الجديد الي انا شوفت فيه من أول يوم ان أخره النور الي كنت بدور عليه

• أول محاضره في الأكاديمية رايح كل تركيزي أدور ع أدوات تساعدني ع تسويق تشانل يوتيوب
• تاني محاضره في الأكاديميه كنت أستوعبت ان النور الي كنت بدور عليه أتعرفت عليه بأسم التجارة الألكترونيه
• بحكم أني وأنا طفل نشأت في عائلة كلها تجاريه و وكالات وغيره ف كان عندي معلومات كتير عن التجارة بس انا مش واخد بالي منها او مش عارف استغلها واستخدمها .
• تالت محاضره كنت أستوعبت انا عايز أيه كويس اوي وفهمت ان أنا موجود هنا عشان أطلع بأقصى أستفاده
• و الحدق الي جوايا قالي الطريق الي غيرك يمهدة أمشي فيه لحد ما صحتك تساعدك تمهد أي طريق لنفسك
• ومـن هـنـا گـانـت الـرحـلـه الـأولـي للـتـجاره الألـكترونـيه وقفت كل حاجه كانت تخص التصوير و بعت شوية معدات ما كنتش محتاجها اوي
• وقولت للشباب الي معايا هنشتغل في التجارة الألكترونيه

ومن هنا بدأت أغوص في آل Amc عشان اشوف هقدر أستفاد منه أزاي

• في البدايه أخدت الموضوع بغشومية البدايات وكنت عايز ألم آلAmc كله بتحديثاته ببرامجة بسلطاته بـ بابا غنوجة عشان أوجهة كله في خدمة متطلباتي في ست ساعات بصوت السادات *
• ودا طبعا كان شيء يخالف قانون الطبيعه بما أن الي قدامي ع جانب التاني أحمد ماهر * حد أقل ما يقال عنه سفاح مش بيبطل تحديثات *
• ساعتها قررت أني أستخدم الي انا محتاجه فقط من البرنامج ،
• والي هيحصل أصلا طريقة استخدامه العاديه بس زي ما قولنا غشومية البدايات خلال رحلتي الي فاتت
• و فيديوهات شرح ليل نهار وسيرش في كل حاجه لقيت ان الكوتشيات مجال مش بطال للتجارة الإلكترونية
• وأنه قابل للشراء من أي كائن بشري طالما من نفس فئه الي بتشتغل عليها ع عكس منتجات تانيه كتير
• ريسك بتاعها عالي و ليها مواصفات خاصه للعميل ودي حاجه كنت ببعد عنها لأنها بدايه

الـرحـلـه الـثـانـيـه 

• البحث عن برودكت مميز من موردين يد أولي كانت رحله أصعب لأني كنت محدد أني هشتغل في المستورد مش هشتغل في المصري
• ودا طبعا كان بناء ع تحليل السوق الي عملته وبالتالي كان أصعب معادلة بحاول أحققها أني أوصل ل مورد يد أولي عشان اعرف أحقق معادلة السعر الي هتسمحلي أني ادخل السوق
• ‎وصلت لمورد وبالفعل جبت أول كميه منه وبدأنا نشتغل وهنا عرفت المشاكل الي موجوده ع ارض الواقع
• زي مشاكل شركات الشحن والاستوك الي ممكن يقف منه مقاس معين ومشاكل الاستوك لما تخلص وانت مستني الفلوس ،
• كلها مشاكل كنت بشتغل وأنا مستنيها وكل ماتظهر مشكله افرح عشان بدأت ألم الخوازيق واعرف ان دا عرف الشغلانه
• ولازم اعرف اسيطر واوجد حلول وما كنتش ببطل بحث عن موردين تانين وبذاكر المصنع دا بيعمل ايه ف اتعلمت صناعة الكوتشي وعرفت مكوناته
• و عرفت الفرق بين خامات و تعامل الدولة مع مصانع دي ف استيراد المواد الخام

و فهمت اللعبه الأكبر الي انا لقيتها ملعبي الجديد

ومن هنا قولت انا كدا محتاج اوسع مصادر بيعي عشان تقدر تاخد خطوه زي دي

• كان عندي محل مش بستفاد منه بعته واستغليت فلوسه ف دخلت افيليت العالميين
• و بدأت أتاجر فيه وع الجانب التاني عندي منتجات ببيعها انا والناس بتاعتي
• و لقيت ان مافيش مشكله لما اتوسع أكتر بعد رحله التحول والدمج بين كل الي فات
• لقيت أني فجأة تحولت لطريق ريادة الأعمال بدون ما أحس
• بدأت في أجراءات الورق عشان ابقي سيلر في سوق و بدأت إنشاء الموقع و ورق البراند

لأني لقيت ان أحنا كدا لينا مصادر بيع متعدده وبنبيع كميات يبقي أنطلاق البراند هيبقى دا الخطوة الجايه

• وبالفعل دورنا ع اكتر من مورد من الخارج
• و بدأت اتجة لفتح محلات وبالفعل فتحنا محل
• كان عندي مشكلة ف النقل وتكلفته عاليه ومتكررة ف جبنا عربيه ربع نقل
• كل الي فات كان ما ينفعش اخده بطولي لان مؤخرا حجم التجارة كبر وبقا راس ماله كبير ،
• ف أستعنت بأخويا ومكسبنا كنا دايما بنعيد تدويره للشغل وان شاء الله بنحاول نفهم الدنيا رايحه فين من الازمه دي
• وبنحاول نوجد حلول Amc كان بالنسبه ليا تحول كبير جدا في وقت قصير جدا
• قبل ما يكون ليا أدوات تسويقيه بستخدمها عشان أحسن وأسهل شغلي

وفي النهايه ربنا يوفق الجميع و ويوفق الراجل المحترم المجتهد الي بيحاول يساعد كل الناس دي وهوا بيسعي ع حلمه

و يمكنك مشاهدة المزيد عن افضل 10 افكار تسويق الكتروني 2020

و يمكنك مشاهدة هذ المقال لعرفة المزيد عن كيفية انشاء خطة تسويق الكتروني

كما يمكنك ايضاً معرفة المزيد عن طرق التسويق الالكتروني

قصص نجاح تسويق الكتروني للعالميين | قصيرة | الجزء الاول

قصص نجاح تسويق الكتروني للعالميين | قصيرة | الجزء الاول

قصص نجاح قصيرة

في هذا الجزء سنتعرف سوياً علي قصص نجاح قصيرة ، يرويها أصحابها بأنفسهم ، لنتعلم منهم افضل الاستراتيجيات للنجاح و الربح عبر الانترنت

و تقدر تشوف قصص نجاح تسويق الكتروني قصيرة الجزء الثاني هاتفيدك جداً ايضاً .

دعونا نبدأ مع أحد ابرز الشخصيات في مجال الموشن جرافيك و هو

عبدالرحمن سليم  رئيس مجلس ادارة   Abc media   للخدمات المتكاملة شركة ذات مسئولية محدودة

• ملك الموشن او عالمي الموشن .. القاب اطلقت من احد العالميين واشتهرت به فى الوسط الالكتروني  وذلك يرجع لعملي فى مجال التعليق الصوتي والموشن جرافيك
• مبدئيًا فإن الفويس اوفر Voice over هو الاداء والتعليق الصوتي الابداعي فى الاعلانات
• سواء على وسائل الاعلام مثل الراديو والتلفزيون او على وسائل السوشيال ميديا فى العصر الحديث 
• وهو التعليق على الفيديوهات مثل الإعلانات التجارية والأفلام الوثائقية والدبلجة،
• بالإضافة إلى الكتب الصوتية والروايات والمواد التعليمية، وغير ذلك العديد من التخصصات الحيوية التي لا غنى عنها،
• في ظل الاحتياج إلى تقديم المعلومات بشكل أسرع وأكثر سلاسة من النصوص الكتابية.
• وقد انتشر  في الاونة الاخير اعتماد المسوقين على استخدام التعليق الصوتي  فى الفيديوهات الدعائية والترويجية للمنتجات والشركات.

علاقة الفويس اوفر بتصميم الموشن جرافيك :-

• تصميم موشن جرافيك يتطلب وجود موسيقي او تعليق صوتي متمكن يوضح ويشرح الفيديو والفكرة ويحث المشاهد او الجمهور المستهدف على الاستجابه واتخاذ اجراء سواء شراء او طلب الخدمة ،
• ولأن الموشن جرافيك عبارة عن مشاهد تصميمية متحركة يتم إدخال بعض المؤثرات عليها،
• مع مزج صوت المعلق لتنتج في النهاية فيديو إعلاني احترافي،
• يحقق أهدافك التسويقية بنسبة 85% أسرع من وسائل الدعاية والإعلان الأخرى.
• ولأن التعليق المسجل يجب أن يكون بخامة صوت متميزة سواء رجالية أو نسائية،
• تصلح لأداء مختلف الطبقات بما يساهم في توصيل الرسالة المطلوبة للمشاهد،
• سواء بنبرات حماسية، أو فكاهية، أو تعليمية تصلح لتقديم الشروحات وغيرها،مما يحسن الشكل العام للبرند ويقويه
• لذا  نهتم في ABC Media بتوفير فريق عمل من المعلقين الصوتيين من أصحاب الموهبة والاحتراف،
• وذلك بكل اللغات واللكنات المتاحة، حتى نتمكن من تنفيذ كافة طلبات تصميم الموشن جرافيك التي تردنا من عملائنا من كافة أنحاء العالم،
• بأعلى مستوى من التميز والمهارة التقنية والفنية، عبر تسجيل الصوتيات في الاستديوهات المجهزة والاستعانة بأحدث البرامج المتخصصة.

ABC Media تسعد بتقديم خدمات الموشن جرافيك المتكاملة بأقوى العروض:-

• والآن، بعدما تعرفنا على كيفية توظيف إمكانات الفويس اوفر والموشن جرافيك لعمل إعلان ناجح،
• نسعد في ABC Media بتقديم خدمات تصميم الموشن جرافيك لكافة المجالات،
• التجارية والتعليمية والصحية وغيرها، على مستوى الأفراد أو المؤسسات والحكومات،
• بأعلى جودة وأنسب سعر وأقصى سرعة في التنفيذ والتسليم، بالإضافة إلى عروضنا المستمرة والدورية،
• والتي تمكنك من الحصول على فيديو موشن جرافيك كامل بجودة عالية خلال 72  ساعة فقط،
• بالإضافة إلى عروض الاسعار الخاصة بالعالميين
• ولا ننسي فضل  فى منظومة الكنترول بعد فضل الله تعالى .
• بداية من الكنترول 1  وحتي اخر اصدار والذي ساهم فى انتشار اعمالنا ووصولها لعدد كبير من الجماهير داخل وخارج مصر
• حتي وصلنا لاكثر من 16 دولة عربية واوربية  بالاضافة لاستهداف عملائنا من خلال ادواته المميزة 
• لذا ننصحكم دائما باختيار الادوات الصحيحه فى الاستهداف وتحديد الاولوية والعمل عليها  بأنتظام حتي تصل للاحتراف والصدارة فى مجالك ..

بدأت ب 25 الف في 2016 و النهارده راس مال شركتي 3 مليون جنية

انا اسمى محمد الفقى  (اول باشماركتير في مصر) ، عندى 26 سنة ، بدات شغل اونلاين يوم 29/11/2016

والنهاردة عندى شركة  MF Group for Ecommerce راس مالها 3 مليون جنية شركة ذات مسؤلية محدودة

دخلت المجال صدفة ، او بمعنى اصح ، لبست بضاعة ومعرفتش ابيعها ومكنش قدامى اى حل غير انى ابيعها اونلاين … دخلت ومن يومها مطلعتش .

 مكنش عندى اى خبرة اى حاجة في الديجيتال ماركتينج ، مكنش عندى اى معرفة لا باعلانات الفيسبوك ولا بتسويق ولا ببيع اونلاين .

بس كنت فاهم بيزنس ودى اكتر حاجة ساعدتنى انى اكبر شركتى .

 وبعرف اتعلم اى حاجة محتاجها اونلاين بسرعة

• How to create Facebook page 
• How to create Facebook ads for beginners
• How to manage data on google drive

عانيت كتير جدا اول 3 شهور وبعد كده تقريبا بدات اجمع كل الى محتاج اتعلمه عشان أكبر شغلى

قسمت شركتى من اول ما كنا 3 موظفين بس

• واحد مسؤل عن التسويق ،
• وواحد مسؤل عن البيع ،
• وواحد مسؤل عن اللوجيستكس والشحن

النهاردة شركتى فيها اكتر من 30 موظف متقسمين في نفس ال 3 إدارات الى بدات بيهم شركتى من الأول.

اول منتجات بعتها كان سعر بيعها 250ج والنهاردة اقل منتجاتى متوسط سعرها 2500ج

بظن انى وصلت لاكتر حته صعبه في البيزنس وهو انك تكسب ثقة الموردين وبداو يطلبوا اشتغل معاهم ،  وبالفعل فتحولى بضاعة بالاجل لمدة 60 يوم ومتوسط مشترياتى شهريا بيوصل لاكتر مليون جنية .

والنهاردة الحمد لله وصلنا  لاعلانات في بتزيد عن 200 الف في الشهر وبنحقق مبيعات بتزيد عن 100 الف في اليوم

وبنخطط اننا نكسر ال 150 الف مبيعات يوميا خلال الشهور الجاية

ومكملين …

شكرا يا م/ احمد ماهر … لانك اكتر شخص قابلته بيطور نفسه وشغله وبيساعد الناس بصدق 

شكرا علشان انا بتعلم منك وبغير منك في ازاى اطور نفسى وشغلى زيك .

استغلال الادوات المقدمة من الاكاديمية

اولا انا محمد عرفات عالمى من ٢٠١٧ كنت بشتغل مهندس كمبيوتر و قبل ٢٠١٧ و كان تخصصى صيانة فقط و شغلى كان محدود جدا

فقررت فيوم بعد ما اتفرجت على الشروحات للأكاديمية ان اتقدم للاشتراك فى الاكاديمية و اخذ قرصات لايف لاتعلم كيفية استخدام الادوات المتاحة التى تقدمها الاكاديمية مع الشروحات

و بالفعل تعلمت استخدام جميع الادوات و بدات اخلط بين تخصصى و طموحى كمسوق عقارى و ابتدى الحلم باستخدام اداوت Amcacademy

البداية:-

• بدات استغل الادوات بشكل كبير و بعد ما تم اختيار مجال العقارات
• تعمدت ان اتعلم خصائص المشروعات المقدمة من المطورين
• و ان ادرسها بطريقة احترافيه و بالفعل الكنترول ساعدنى كتير جدا فى ده بأدوات البحث سواء عن البوستات او مواقع الشركات
• و ابتديت بالفعل على مدار شهر ونص ادرس مشاريع كتير جدا
• كمساحة و اسعار و مناطق كتير جدا و بعد ما جمعت كل المعلومات الى انا محتاجها قررت ابداء بالتسويق بالكنترول و بدات على بركة الله

استغلال الادوات المقدمة من الاكاديمية :-

استغليت طبعا بعد الادوات من الكنترول

مثل

• واتساب كنترول – و داتا فلتر – وطبعا ادوات البحث المعروفة و الغنية عن التعريف فى الكنترول
• و ابتديت اجمع عملائى من صفحات المنافسين و ابتديت افلترهم صح
• و قسمت شغلى على ٣ مشاريع و كل مشروع ليه العملاء الخاصين بيه
• حبيت ابداء بعدد مشاريع قليل عشان اقدر استوعب الرد على كل مشروع و اقدر اخزن معلومات اكتر عن المشاريع الى اختارتها

الاستراتيجية:-

• انا اعتمدت اعتماد كلى فى بدايت مشوارى مع الكنترول و الاكاديمية
• على الواتساب باعداد كبيرة جدا و سرعة الرد على العميل و الاهتمام بكل طلبات العميل
• حتى لو مش موجودة عندى فبحاول اكون على قدر من ثقة العميل بيا
• و انى اقدر اوفر كل شئ هوه يحتاجو فى مجال العقارات
• و اعتمدت فى الاستراتيجية بتاعتى على متابعة صفحات المنافسين باعداد كبيرة لعدة اسباب
• توفير البحث عن العميل توفير وقت و مجهود توفير دفع مصروفات اعلانية كثيرة
• و اخر حاجة فى الإستراتيجية  التى اتبعها
• هى مصاحبة العميل و اجراء كل فترة تذكير ببعض العروض من الشركات المطورة التى اتعامل معها

الاحتراف :-

• احترفت مجال العقارات  بعد فترة وجيزة جدا و هى ٨ اشهر او اقل باتباعى الشروحات من الاكاديمية
• و اتبعت ايضا سياسة العرض و الطلب انت تعرض عقارك او مشروعك على العميل
• لو حسيت باهتمام من العميل حاول دايما انك تجد له جميع الحلول المتاحة
• و ان تكون على اتصال دائم بالمطورين او الشركة التابعة لك فى مجال العقارات
• و اذا طلب منى عقار بمشروع من شركة منافسة كنت بتواصل مع الشركة المنافسة و اوفر لعميلى كل شئ لارضاء العميل
• و الاحتراف فى مجال زى مجال العقارات بيكون محتاج وقت كتير و متابعة دائمة للسوق سواء للعميل او المنافسين ليك او المطورين
• و دائما كانت لدى معلومات كثيرة جدا عن المشاريع الجديدة
• و ذلك لانه عندما كان يتم سؤالى عن مشروع جديد بكون عارف
• اسعار المتر – المساحات المتاحة – الوحدات المتاحة – مكان المشروع – الشركة المطورة للمشورع
• و ايضا لابد ان تختار مشروع لشركة تكون لها سابقة اعمال ولايوجد منها اى مشاكل مع المشرتين او مع الدولة
• و كذلك الامر ايضا فى العقارات القديمة او خدمة الريسيل
• كنت دائما اختار العقار الذى به جميع المرفقات متاحة و مكان مناسب و تشطيب محترم لسهولة البيع
• عميلك مش هيحتاج منك غير اهتمام و متابعة دائما

النتائج :-

• طبعا من وقت انضمامى للاكاديمية الى الان تم الحصول على عمولة بيع محترمة من اول شغل اشتغلتو لحد الان
• و تم بحمد الله شراء سيارة و شقة و تم امضاء عقد بشركة بروكر كبيرة فى مجال العقارات بمبلغ محترم من وقت انضمامى للاكاديمية
• وشغلى بالعقارات لم يؤثر علي شغلى الاساسى الى هوه مهندس كمبيوتر
• انا بالفعل بعمل بشركة كبرى بمجال الكمبيوتر بجانب شغلى بالعقارات
• و قدرت بحمد الله احقق احلام كتير كانت فى الاول صعبة الموضوع فرق معايا جدا فحياتى الشخصية
• و قدرت احصل على امتيازات فى حياتى كبيرة جدا
• و دى بعض الصور القليلة جدا الى حبيت اشارك بيها المدير المحترم استاذ احمد ماهر مدير و مؤسس اكاديمية العالمين

مصطفى الزغبي – خريج كلية الدعوة الإسلامية – جامعة الأزهر  دفعة (2016)

– تاجر أحذية وشنط حريمي – مسوق الكتروني..

– خبرة في البحث الشرعي والتاريخي وتوثيق الأبحاث العلمية وكتابة المحتوى باللغة العربية.

– بداية حياتي العملية في السنة الأولى من الجامعة حيث دخلت شريكا في أحد مشروعات تصنيع الأدوات المنزلية بجزء من رأس المال فقط

بدعم من الوالد حفظه الله ( نظام تشغيل الأموال) ،

خسرت في هذا المشروع وبعد فترة لم تكن طويلة ما يزيد عن ثلاثة أرباع رأس المال.

– بعد ذلك قمت بما تبقى معى من بقايا رأس المال مع اقتراض مبلغ من أحد الأصدقاء وبالشراكة مع صديق آخر

بشراء ماكينات لتصنيع المشابك الخشبية وكان مشروعا شاقا جدا،

فلقد كنت المورد المسئول عن توريد بقايا الأخشاب التى تحصل عليها بصعوبة من الصبيان الصغار الذين يعملون لدى النجارين ( حيث كان هولاء الصبيان يأخذون بقايا الأخشاب مقابل عملهم)،

وكذلك كنت المُصنع المسئول عن التصنيع وذلك لأن شريكي كان يخاف من الوقوف على الماكينات لخطورته،

وكذلك كنت المسئول عن التوزيع في نفس الوقت.

كانت تجربة شاقة جدا ولكن كانت من أكثر التجارب التى استفدت منها في حياتي على الإطلاق.

• لم أستطع الصمود طويلا في هذا المشروع فقمت ببيع الماكينات وكان ذلك في السنة الرابعة من الجامعة،
• انتظرت دون الدخول في أي مشروع تجاري حتى أنتهى من دراستي وتخرجت من كلية الدعوة الإسلامية بتفوق ولله الحمد والمنة.
• بعد التخرج من الجامعة قمت بالعمل مع أحد رجال الأعمال حيث أوكل إلي تأسيس مصنع كبير لتصنيع الخزانات البلاستيكية فأنشاته من بدايته حتى نهايته بفضل الله وبعدها تزوجت بفضل الله وبدأت مرحلة جديدة في الحياة..
• بعد ذلك انتقلت للعمل فى نفس الشركة ولكن في تخصص مختلف وهو التسويق العقاري حيث كانت هذه الشركة من الشركات الرائدة فى المجال العقاري
• فقمت بأداء عملى على الوجه الأمثل واكتسبت خبرة جيدة في التسويق وبناء علاقات واسعة مع المستثمرين..

بعد ذلك طلبنى أحد أساتذتي ( الذين لا يرفض لهم طلب ولا يرد لهم قول )

• للقيام بإدارة أحد أكبر المؤسسات الإغاثية العاملة في أفريقيا
• ففرغت لها كل وقتى وطاقتى ( وكانت أجمل أيام حياتى على الإطلاق ولا أظن أننى سأعيش بعد ذلك حياة بهذا الجمال)
• بالرغم مش مشقة العمل القاتلة والتى كانت تصل أحيانا إلى 20 ساعة متواصلة دون ملل أو كلل
• لدرجة أن أحد العاملين معي أصيب بمشاكل في القلب من شدة ضغط العمل وأهميته وجماله وعظمته التى تجعلك تتعب بفرح فوق التعب تعبا وتكد فوق الكد كدا،
• وفجأة دون سابق إنذار تم تجميد العمل في المؤسسة وإنهاء نشاطاتها لأسباب لا داعي لذكرها.

بعد ذلك كنت بين أمرين:

• إما العودة إلى العمل في مجال العقارات في الشركة التى كنت أعمل بها قبل ذلك،
• وبين إنشاء مشروع تجاري خاص بي فاخترت الثانية وقمت بدراسة عدد من المشاريع التجارية حتى توصلت
• في النهاية إلى مشروع تجارة الأحذية والحقائب النسائية،
• وضعت فيه كل ما أملك وبطبيعة المكان دخلت رغما عنى في منتجات فئة a class))
• في السنة الأولى خسرت جزءا من رأس المال،
• تم تعويضه في نصف السنة الثانية بفضل الله ،
• حاولت كثيرا النجاح في مجال الأونلاين وذلك لأننى كنت على قناعة تامة بأن المستقبل للتجارة الالكترونية في مصر والعالم،
• استمعت لدورات كثيرة وتعاملت مع معلنين أكثر وكانت كل الحملات الاعلانية لا تغطي مصاريف الحملة،
• بالرغم من أن الحملات الإعلانية التى كانت فى نطاق المحل التجاري كانت ناجحة إلى حد ما
• وساهمت بشكل كبير في نجاح النشاط التجاري ولكن في الأوفلاين دون الأونلاين.

كان النجاح في الأونلاين حلما يراودني دائما رغم كل المثبطات والحملات التى لا تغطى تكلفتها.

• كنت متابعا للمهندس أحمد ماهر بسبب أنه كان أحد الأشخاص الملهمين لي في حياتي العملية حتى وجدته يعلن عن كورس فى الأكاديمية
• وعلى الفور قمت بحجز الكورس وانهيته وكنت في تحدي مع نفسي على النجاح في الأونلاين،
• ولا يفوتنى هنا أن أتوجه بخالص الشكر للأخ الجميل مصطفى سليمان على تفانيه في افادتي وإجابته على كل أسئلتى
• وأشهد أنه لم يتأخر علي أبدا فجزاه الله خيرا.
• كانت نتيجة دخولي للعالميين وبفضل الله أولا وآخرا ثم بفضل بعض الأدوات البسيطة
• أذكر  أننى كنت أول تاجر في السوق المصرى تقريبا في فئة a class انتهت عنده موديلات الشتاء بالكامل
• ولو كان متوفر فى السوق أضعافها لانهيتها ولله الحمد أولا وآخرا..

وما زلنا مستمرين نستمد العون والتوفيق من الله عز وجل ….

قصص نجاح قصيرة

و يمكنك مشاهدة المزيد عن كيف حققت اكثر من 40 الف اوردر في الافيليت

و يمكنك معرفة المزيد ايضاً عن التسويق الالكتروني بالعمولة 

و ليه تشتغل في التسويق الالكتروني ؟

و من المفيد لك معرفة المزيد عن الربح من التسويق الالكتروني و الخدمات المصغرة

و تعلم التسويق الالكتروني باعلانات الفيسبوك الممولة